Арсенал и Фенербахче се последните два директни учесници во осминафиналето на Лига Европа, Арсенал го освои првото место во групата А и Фенербахче во групата Б, придружувајќи им се на Бетис, Унион Сен Жилоаз, Реал Сосиедад, Феенорд, Фрајбург и Ференцварош кои тоа го сторија порано.
Арсенал го потврди првото место во групата А со 1:0 (1:0) победата на домашен терен против Цирих обезбедена од Тирни во 17 минута.
Арсенал на тој начин го освои првото место со 15 бода, два повеќе од вториот ПСВ Ајндховен кој како гостин го совлада Бодо/Глимт со 2:1 (1:0), но сепак ќе мора да игра во меѓу колото од ова натпреварување. Бодо/Глимт заврши на третото место со четири бода и ќе игра во Конференциската лига, додека Цирих испадна со три бода.
Во групата Б, Фенербахче го совлада Динамо Киев со 2:0 (2:0) како гостин во Краков со головите на Гулер во 23 и Вилијан Арао 45+2 минута, додека во исто време Рен одигра 1:1 (1:0) на домашен терен со АЕК од Ларнака, тоа му беше доволно да го заземе првото место со 14 бодови, додека Рен заврши на второто место со 12. АЕК беше трет со пет бода, додека Динамо остана последен со еден бод.
Рен поведе преку Аблин во 17, а израмни Лопез во 76 минута.
Покрај ПСВ и Рен, во меѓурундата во Лига Европа ќе играат и Рома, Унион Берлин, Манчестер Јунајтед, Митјиланд, Нант и Монако, а противници ќе им бидат третопласираните екипи од групите на Лигата на шампионите, и тоа Ајакс, Барселона, Јувентус, Леверкузен, Салцбург, Севиља, Шахтјор и Спортинг.
