Ноќта кон петокот во НБА лигата беа одиграни четири натпревари, а најинтересниот беше одигран во Мајами, каде што домашните Хит по продолженијата славеа со 117:112 над Шарлот Хорнетс.
Хит ги предводеше Џими Батлер со 35 коша, 10 скокови и 8 асистенции. Батлер, исто така, реализираше 13 од 15 слободни фрлања. Бам Адебајо додаде 18 коша со 14 скокови. Во редовите на Хорнетс, за кои ова беше седмиот последователен пораз, најдобар беше Кели Обри со 29 коша, додека Тери Розиер уфрли 22 поени.
Вашингтон Визардс на свој терен со 113:105 ги надиграа Далас Маверикс, а Кајл Кузма за победата на својот тим впиша 16 поени, 11 скокови и 6 асистенции. Руи Хачимура постигна 23 коша и му помогна на Вашингтон да ја оствари втората победа со ред. Далас ги предводеше Спенсер Динвиди со 33 коша, додека Лука Дончич заврши со 22 поени, 9 скокови и 6 асистенции.
Портланд Трелј Блејзерс на гостувањето со 106:95 беа подобри од Њу Орлеанс Пеликанс, иако играа без своите најголеми ѕвезди Демиен Лилард и Јусув Нуркиќ. Лилард не играше поради повреда на листот, а Нуркиќ поради повреда адуктор Џереми Грант за победата на гостите постигна 27 коша, а Енферни Сајмонс додаде 23 поени. Цион Вилијамсон со 29 коша беше најдобар стрелец кај Њу Орлеанс, за кои ова е трет пораз во последните четири натпревари.
Во последниот натпревар одигран синоќа Атланта Хокс со 104:95 ги совладаат Филаделфија 76ерс, за кои ова е третиот пораз во последните четири натпревари. Треј Јанг постигна 15 од вкупно своите 26 коша во првата четвртина за Атланта, и ги погоди сите 10 слободни фрлања и на тоа додаде 7 асистенции. Џоел Ембиид со 26 коша и 13 скокови. Двете екипи меѓусебно ќе се сретнат и во сабота во Филаделфија.
