Времето во Македонија во понеделникот ќе биде претежно сончево со утринска магла по котлините.
Утринските температури се движат од минус 3 степени во планинските предели до 6 степени на југот, а максилмалните дневни ќе достигнат меѓу 12 и 19 Целзиусови степени.
Во Скопје и околината претпладне е со појава на магла или ниска облачност, а во текот на денот сончево со умерена облачност. Дневната температура ќе достигне до 15-от степен.
Во следните два дена времето ќе биде стабилно со појава на утринска магла по котлините и со ниски минимални температури.
Од средината на седмицата ќе има зголемена облачност со повремен локален дожд.
Утринските температури насекаде ќе бидат над нулата, а дневните ќе бидат без промени.
