По вооружената престрелка во кој било употребено автоматско оружје, полицијата ноќта и утрото привела поголема група мигранти на подрачјето на Хоргош и Суботица. Според извештаите, во акцијата биле откриени повеќе од 600 илегални мигранти кај кои биле пронајдени оружје и капа „ОВК“.
И додека мештаните се загрижени за својата безбедност, министерот за полиција вели дека граѓаните на Србија и нивниот имот ќе бидат заштитени.
Поради престрелката што се случила во четвртокот, полицијата реагирала и уапсила неколку лица. Нелегален камп изутрината е откриен на ливада каде во шатори престојувале десетици мигранти. Од МУП велат дека ги идентификувале оние кои учествувале во престрелката и дека едно лице е повредено.
„Припадниците на МУП Србија ги презедоа сите мерки и активности за блокирање на овој простор. Откриени се повеќе од 600 нерегуларни мигранти, идентификувани се одредени лица кои учествувале во синоќешната престрелка, а пронајдено е и огнено оружје“, се вели во соопштението на српскиот МУП.
Ова не е прв ваков инцидент меѓу мигранти во Хоргош. Во текот на летото во шумата кај Суботица, додје до вооружена престрелка во која еден мигрант загина, а неколкумина беа повредени.
https://twitter.com/GringoStranac/status/1596135631578664962?ref_src=twsrc%5Etfw%7Ctwcamp%5Etweetembed%7Ctwterm%5E1596135631578664962%7Ctwgr%5Ef5059b895cbe52a438999db20742f3d4fa9427ea%7Ctwcon%5Es1_&ref_url=https%3A%2F%2Ffokus.mk%2Fvideo-vooruzhena-prestrelka-megu-migranti-kaj-subotitsa-politsijata-uapsila-600-litsa%2F
