Полскиот претседател Анджеј Дуда изјави во четвртокот дека по вторпат ќе одбие да го потпише законот со кој се предвидува реформа на образованието, а за кој критичарите велат дека учениците би им го ограничил пристапот до наставата за прашање како што се правата на ЛГБТ лицата.
Со законот би се зголемиле овластувањата на училишните надзорници и образовни инспектори кои ги именувала владата да носат одлуки за тоа кој може да изведува дополнителна настава во училиштата.
Некои, пак, ги критикуваат реформите бидејќи сметаат дека со нив им се оневозможува пристапот во училиштата на невладините организации, како и дека ќе го олесни сменувањето на директорите кои не се придружуваат на препораките на училишните надзорно тела.
Претседателот Дуда рече дека примил протестни писма од некои родители и некои просветни работници.
„Решив дека нема да го потпишам овој закон. Свесен сум дека тоа ќе примири голем дел од нашето општество. Денес ни е потребен мир, потребен ни е општествен и политички мир“, рече Дуда.
Ова е втор обид на владејачката конзервативна партија Право и справедливост (PiS) да го зголеми влијанието на инспекторите во образованието со цел во наставата да нема содржини кои се спротивни на нивните погледи на општеството, во прв ред ЛГБТ идеологијата. Претседателот Дуда во март стави вето на претходната верзија на законот.
