Руски авион за копнен напад Су-25 се урна додека се враќал на својот аеродром во регионот Белгород, објави во четвртокот руското Министерство за одбрана.
„Авион Су-25 на руските воздушни сили се урна додека се враќаше на својот аеродром во регионот Белгород по извршување на борбена мисија. Пилотот загина“, се вели во соопштението на Министерството.
„Според прелиминарните податоци, техничка грешка е веројатна причина за падот“, соопшти Министерството за одбрана.
Како што прецизираше за ТАСС претставник на амбулантната станица во областа Валујки во Белгород, телото на мртвиот пилот било пронајдено и пристигнал воен хеликоптер за да го пренесе. На местото на несреќата работи екипа на брза помош. Како што изјави дежурниот лекар, авионот го управувал еден пилот.
Су-25 е оклопен субсоничен, дизајниран да обезбеди блиска поддршка на копнените сили над бојното поле, да уништува копнени инсталации и воздушни цели со мала брзина. Су-25 беше конструиран од Бирото за дизајн Сухој во првата половина на 1970-тите.
