Петра Квитова стана првата чешка тенисерка која победила на Мајами опен, победувајќи ја 23-годишната Казахстанка Елена Рибакина во финалето во саботата со 7-6 (14), 6-2 за еден час и 42 минути игра.
Во нејзиното 41-во финале во кариерата и 13-то на ВТА 1000 турнирите, 33-годишната Квитова ја освои својата 30-та титула и прва на највисоко ниво на натпреварување на ВТА турнејата (освен Грен слем) од нејзиниот триумф во Мадрид во 2018 година. .
Квитова ја прекина серијата од 13 меча без пораз на Рибакина и имаше шанса да им се придружи на Германката Штефи Граф (1994, 1996), Белгијката Ким Клајстерс (2005), Белорусинката Викторија Азаренка (2016) и Полјачката Ига Швјатек (1994, 1996) како петта освојувачка на ткн „Sunshine double“, бидејќи пред да дојде во Мајами ја освои титулата на ВТА 1000 турнирот во Индијан Велс.
Пресуден за конечниот исход се покажа „тај-брејкот“ во првиот сет, во кој беа одиграни 30 поени, а Квитова ја доби првата делница од мечот користејќи ја својот петта сет-меч топка, но прват што ја имаше на свој сервис. Рибакина промаши пет сет-поени, а еден имаше на свој сервис.
На почетокот од вториот сет Чехинката поведе со 3-0, што ѝ беше доволно, бидејќи до крајот на мечот не загуби ниту еден поен на свој сервис, а на 5-2 со нов „брејк“ го освои својот деветти трофеј на ВТА 1000 турнирите.
Од формирањето на оваа серија турнири, во 2009-та година, само две тенисерки беа поуспешни од поранешната двојна победничка на Вимблдон: Серена Вилијамс со 13 титули и Викторија Азаренка со 10, додека Романката Симона Халеп исто така освои девет, како и леворакаа Чехиња.
Со освоените бодови во Мајами, Петра Квитова во понеделник ќе се врати меѓу првите десет тенисерки во светот на ВТА ранг-листата, а во тоа друштво не беше од 20-ти септември 2021 година.
Елена Рибакина во своето 13-то финале ја испушти петтата титула, па ќе остане на седмата позиција, што е нејзин најдобар пласман во кариерата.
