На кое семејство ќе му се посвети? На децата кои се возрасни и последните 15 години ги гледаше по два часа во неделата. Официјално разведен од 6-ти март 2023 година.
Татко не можеш да се правиш на 27 и 21-годишна возраст, татко си цел живот! Твоите лажни филмови рекламирај ги на друго место, а не по сите портали.
Ти одамна го напушти ова семејство, напиша во својот статус на Фејсбук Мери, сопруга на Васко Ковачевски, директор на ЕСМ.
Нејзината реакција доаѓа откако денеска првиот човек на ЕСМ поднесе оставка од лични причини, за да му се посвети на своето семејство.
Премиерот соопшти дека одлуката на Ковачевски била донесена уште пред почетокот на кризата, но на барање на премиерот и други чинители, останал на позицијата за да управува со енергетската криза.
