Тајванското министерство за одбрана извести дека на почетокот од третиот ден од масивните кинески воени вежби дека од неделата до понеделникот утрото во близина на Тајван забележале 59 кинески борбени авиони.
Од овие забележани 59 авиони, според податоците на тајванското министерство, 39 ја минале централната линија на Тајванскиот центар и влегле во зоната на тајванската противвоздушна одбрана. Податоците се однесуваат на времето до понеделникот во 10 часот утрото по локално време, односно два часот по средноевропско време.
Тајванското министерство за одбрана соопшти, исто така, дека во вежбите во понеделникот утрото бил вклучен и кинескиот носач на авиони „Шандонг“.
Кинеските државни медиуми известија во понеделникот дека кинеската Народноослободителна војска ги продолжила вежбите, коишто според претходните најави ќе вклучува и гаѓања со боева муниција.
Тродневните вежби во рамките на коишто кинеските борбени авиони и воени бродови, како и копнената артилерија симулираа напади врз Тајван траат од понеделникот, а беа осудени од Тајпеј и повици на воздржаност од Вашингтон. Портпаролот на јапонската влада изјави дека Токио со интерес ги следи кинеските воени вежби околу Тајван.
Наречена „Заеднички меч“, тридневната воена операција којашто вклучува увежбување опколување на Тајван, ќе трае до понеделник, соопшти командата на источната воена областа на кинеската Народноослободителна војска.
Тие се одговори на активностите на претседателката Цаи Ин-вен која во петокот се врати на Тајван по посетата на сѐ помалиот број земји во Латинска Америка коишто одржуваат официјални дипломатски контакти со Тајпеј, во случајот стануваше збор за централноамериканските држави Белизе и Гватемала. Притоа имаше две посети на САД кои вклучуваа состаноци со претседателот на Претставничкиот дом на американскиот Конгрес, Кевин Меккарти, третата личност во американското политичко водство и други американски конгресмени.
Кина го смета островот како дел од својата национална територија и не ги крие аспирациите за спојување па и употреба на сила доколку е потребно. Според принципот „една Кина“, кој е инаку зацртан во односите на Кина со САД, ниту една земја не треба да одржува официјални врски со Пекинг и Тајпеј во исто време. Ситуацијата околу Тајван значително ескалира по посетата на островот на почетокот на ланскиот август на тогашната претседателка на Претставничкиот дом, Ненси Пелоси, што преставуваше отстапување на САД од долгогодишната практика на островот да не испраќа највисоки државни функционер.
