На листата се двојниот освојувач на МВП трофејот, центарот на Денвер Никола Јокиќ заедно со ѕвездата на Милвоки, Гркот Јанис Антетокунмпо и најдобриот стрелец на Филаделфија, Џоел Ембиид.
Тројцата беа во потесниот круг и минатата сезона кога центарот на Денвер ја освои втората последователна награда за најкорисен кошаркар.
Доколку Јокиќ по трет пат стигне до ценетиот трофеј трета година во низа, ќе им се придружи на легендите Вилт Чембрлен, Бил Расел и Лери Бирд, кои се единствените играчи со по три МВП награди.
Според најновиот пресек на НБА лигата, токму Јокиќ е главен фаворит откако уште еднаш ја прескокна „петката“ на Филаделфија Џоел Ембиид. Неговиот Денвер го освои првото место на Запад за прв пат во историјата. Имаше просек од 24,5 поени, 11,8 скока и 9,8 асистенции.
Ембид е водечки стрелец во лигата со просек од 33,1 поени. Покрај тоа, има 10,2 скока и 4,2 асистенции. Адетокумбо зад себе ја има најдобрата шутерска сезона со просек од 31,1 поен со 11,8 скока и 5,7 асистенции.
Не е познат точниот датум на доделувањето на оваа престижна награда.
