Полициски службеници од Полициското одделение Шуто Оризари синоќа во 1,30 часот на подрачјето на Шуто Оризари го лишиле од слобода 64-годишниот И.Б. од Скопје, поради тоа што агресивно се однесувал кон полициски службеници кои извршувале службени дејствија.
Како што информира МВР, по целосно документирање на случајот против него ќе следи соодветен поднесок.
Во неделата, пак, во 1:45 часот во Велес, полициски службеници од СВР Велес го привеле 39-годишниот Д.К. од Велес, затоа што пред угостителски објект во Велес физички го нападнал М.Б. на 33 години од Скопје, кој работел како редар пред објектот, а потоа се однесувал агресивно кон полициски службеници кои вршеле службени дејствија.
По целосно документирање на случајот и против него ќе биде поднесена соодветна пријава.
