Индиската полиција го уапси сепаратистот на Сиките, Амритпал Синг, откако имаше потрага по него повеќе од еден месец, се вели во соопштението на полицијата.
„Амритпал Синг е уапсен во Мога, Пенџаб. Натамошните детали ќе ги сподели полицијата на Пенџаб“, објави државната полиција на „Твитер“, повикувајќи ја јавноста да не шири лажни вести.
Синг, проповедник во северозападната држава Пенџаб со мнозинско Сики, ги оживеа разговорите за независна татковина на Сиките и ги поттикна стравувањата од враќање на насилството во кое загинаа десетици илјади луѓе во 1980-тите и раните 1990-ти.
Полицијата го обвини Синг и неговите поддржувачи за обид за убиство, попречување на спроведувањето на законот и создавање раздор и рече дека тој бил во бегство од средината на март.