Суданските паравоени сили за брза поддршка (РСФ) пукаа врз турски авион за евакуација при слетувањето на аеродром во близина на Картум, при што е ранет член на екипажот.
Во нападот е оштетен и резервоарот за гориво, соопшти суданската армија, наведувајќи дека авионот слетал безбедно и оти леталото се поправа.
Вооружената борба за власт меѓу суданската армија и РСФ избувна на 15 април, а од полноќ меѓу понеделник и вторник стапи во сила првиот 72-часовен прекин на огнот.
Суданските вооружени сили (САФ) соопштија дека САД и Саудиска Арабија посредувале за договор за прекин на огнот и оти прекинот на огнот се користи за евакуација на странски државјани од Судан.
