Шестгодишно дете од Бања Лука почина ноќеска од последици од вирусот Западен Нил, потврдија денеска од Универзитетската болница во тој град.
Детето претходно престојувало на море, каде што најверојатно е заразено, јавија локални медиуми.
Станува збор за изолиран случај и не постои опасност од епидемија, бидејќи болеста не е специфична за тој реон, наведуваат од Клиничкиот центар. Детето било примено на 7 август во Одделението за интензивна нега на Клиниката за детски болести.