Tешка сообраќајна несреќа синоќа се случила на патот Дреново- Кавадарци.
Автомобил во кој се наоѓале татко и син излетал 22 метри од патот. Случајот го пријавил детето кое има само 8 години и кое и покрај повредите успеало да се јави на 112 и да побара помош за себе и својот татко.
-Благодарение на пожарникарите во постојана комуникација со детето, колата е пронајдена а двајцата со тешки повреди од Општа Болница Кавадарци се пренесени во Скопје. Браво за нашиот мал херој кој и покрај повредите успеал да се јави и да побара помош. Со зборовите „гледам само темница, заглавен сум, се ме боли.. а татко ми не дише“ – пренесе градоначалникот на Кавадарци, Митко Јанчев.
