Стотици илјадници луѓе се очекува да го прослават националниот ден на Каталонија во понеделникот, бидејќи сепаратистичките партии во шпанскиот автономен регион, се чини, ќе играат клучна улога во формирањето на шпанската влада.
Последните години посетеноста на Ла Диада, како што се нарекува националниот ден на Каталонија, се намалува, бидејќи поддршката за отцепување од Шпанија опаѓа. Сепак, двете каталонски партии кои се подготвени да играат улога во формирањето на новата влада би можеле да го поттикнат движењето за независност.
„Каталонија го има клучот да ја води земјата. Денес мора да ја искористиме оваа моќ за да го овозможиме она што претходно не беше возможно“, рече во неделата во Барселона, Пере Арагонес, каталонскиот челник кој ја предводи умерената левичарска сепаратистичка партија Esquerra Republicana Catalana (ERC).
Поранешниот регионален лидер Карлес Пуџдемон, кој живее во егзил Белгија како бегалец од шпанската правда поради обидот за отцепување пред пет години, постави тешки услови за поддршка на неговата партија во парламентот за социјалистичкиот вршител на должноста премиер Педро Санчез да остане на власт.
На Санчез ќе му бидат потребни седум поддржувачи од тврдокорната конзервативна партија на Каталонија и Пучдемон за да формира влада по изборите во јули. Минатата седмица Пуџдемон ја повика Шпанија да се откаже од правната постапка против сепаратистите, но не побара ново гласање за независност.
Изабел Родригез, вршителка на должноста портпаролка на шпанската влада, рече дека Шпанија нема да прави ништо што е спротивно на уставот. Левата влада на Санчез, инаку, претходно ублажи некои од законите под кои потпаѓаа веќе осудените каталнонски политичари за поттикнување на забранетиот референдум за независност во октомври 2017-та, а потоа и за прогласувањето во регионалниот парламент на Република Каталонија, идеја којашто не заживеа откако управата со регионот ја преземаа централните власти во Мадрид.
Алберто Нуњез Фејо, чија конзервативна Народна партија (PP) освои најмногу гласови на 23 јули, ќе биде првиот што ќе се обиде да формира влада на 27 септември, но неговите шанси се мали, бидејќи PP се противи на отстапки за сепаратистите.
Истражувањето објавено во јули од страна на Каталонскиот центар за јавно мнение (CEO), управуван од регионалната влада, покажува дека 52 отсто се против отцепување од Шпанија, додека 42 отсто ја поддржуваат независноста.
Во октомври 2017 година, кога сепаратистичката регионална влада на Пуџдемон одржа референдум што шпанските судови го прогласија за незаконски, истражувањето на CEO покажа дека 49 отсто го поддржуваат отцепувањето од Шпанија, додека 43 отсто се против. Многумина од оние кои се против независноста го бојкотираат референдумот.
