Шпанскиот конзервативен лидер Алберто Нуњез Фејо не успеа во средата да обезбеди доволно гласови во Долниот дом за да стане премиер.
Фејо, чијашто Народна партија (PP) освои најмногу мандати на изборите во јули, не успеа да убеди доволно пратеници од другите партии да го поддржат да освои апсолутно мнозинство.
Фејо доби 172 гласа „за“, 178 пратеници „против“ и ниту еден воздржан.
Шпанскиот закон му дозволува да се обиде повторно во петок, кога просто мнозинство би било доволно за да стане премиер.
Неговата партија освои најмногу гласови и претставници на предвремените избори на 23-ти јули, пред социјалистите (PSEO) на премиерот Педро Санчез.
Бидејќи ниту една партија не доби доволно поддршка од другите партии за да формира мнозинство за владеење, кралот Филип VI. одлучи дека на релативниот победник на изборите ќе му биде дозволено прв да се обиде да формира влада.
