Екипата на Лос Анџелес Лејкерс ги започна подготовките во тренинг кампот пред почетокот на наредната сезона.
Уште на првиот тренинг кошаркарите започнаа да работат со полна пареа, а најголемо внимание предизвика Коби Брајант, кој се врати по една година пауза поради повредата на Ахиловата тетива и на коленото.
Коби покажа дека полека се враќа во неговата претпознатлива форма, а не крие дека му е мило што повторно може да се натпреварува.
– Добро е чувството кога повторно можеш да се натпреваруваш. Сега сите сакаат да знаат како изгледам на теренот, јас тоа го разбирам, но јас го работам истото како и секогаш. Добро се чувстувам, малку боли, но тоа е нормално во овие моменти – изјави Коби.
