Американскиот Стејт департмент ги предупреди во неделата американските државјани да не патуваат во Ирак по неодамнешните напади врз американските воени бази и персоналот во регионот.
Во објавените препораки за патувања за американските државјани се истакнува „Не патувајте во Ирак поради тероризам, грабнувања, вооружени судири, граѓански немири и органичините можноста на Мисијата Ирак да им овозможи поддршка на американските граѓани“.
Откако започна судирот меѓу Израел и палестинското радикално исламистичко движење Хамас, зачестија и нападите вра американските воени бази во Ирак и на северот на соседна Сирија на териториите што ги окупираа американските сили. Минатата седмица, американски воен брод собори повеќе од десет дронови и четири крстосувачки ракети кои од Јемен ги истрелале силите на шиитската заедница Хутити.
Упатствата за американските државјани следат по наредбата за напуштање на Ирак на членовите на семејствата и персоналот кој не е неопходен во американската амбасада во галвниот град Багдад и во американскиот конзулат во Ербил, главниот град на автономната курдска покраина Ирачки Курдистан, поради зголемените безбедносни закани против американскиот персонал и интереси“. Дополнително Стејт департментот соопшти дека антиамериканските ирачки милиции им се „закануваат на американските граѓани и меѓународни компании“ ширум Ирак.
Претходно во неделата американскиот државен секретар Ентони Блинкен и министерот за одбрана Лојд Остин предупредија на значителна ескалација на нападите врз американските војски на Блискиот исток, тврдејќи дека шиитски Иран сака да ја прошири војната меѓу Израел и сунитски Хамас.
САД ги зајакнаа предупредувањата на активностите на групациите коишто се поддржувани од Иран, откако Вашингтон по избувнувањето на војната меѓу израелската војска и Хамас во водите на Блискиот исток испратија две борбени групи на носачи на авиони и најавија испраќање 2.000 маринци како поддршка безбедноста на Израел.
„Поради безбедносните грижи, на американскиот владин персонал во Багдад му е наредено да не го користи меѓународниот аеродром во Багдад“, соопшти во неделата Стејт департментот.
