Најблиските пријатели и семејството на починатиот актер Метју Пери, омилениот лик Чендлер Бинг од серијата „Пријатели“, вчера се собраа на интимна церемонија во Меморијалниот парк Форест Лон во Лос Анџелес, за последен пат да се збогуваат со него.
На погребот облечени во црно беа и колегите од „Пријатели“, Џенифер Анистон, Кортни Кокс, Лиза Кудроу, Мет Лебланк и Дејвид Швимер.
– Анистон беше една од првите кои пристигнаа на погребот – изјавил извор за „Дејли Мејл“.
Пери на 28 октомври на 54-годишна возраст беше пронајден мртов во џакузи во својот дом во Лос Анџелес.
Неделава беа објавени првите резултати од извештајот за токсикологија, кој потврди дека Метју Пери не конзумирал фентанил или метамфетамин, а во неговото тело нема никакви траги од овие недозволени супстанци.
На гробиштата Форест Лон се закопани многу филмски ѕвезди, а се наоѓа во близина на студиото на „Ворнер Брос“, каде што се снимаше мегапопуларната серија „Пријатели“.
Friends co-stars attend Matthew Perry's funeral. pic.twitter.com/Upsrn32k2N
— Iyan Velji (@IyanVelji) November 4, 2023
