Пратеникот на Европскиот парламент од холандската партија Форум за демократија, Марсел де Граф, ја критикуваше препораката на Европската комисија да започне дијалог за пристапување на Украина во Европската унија.
„Нема избори. Нема опозиција. Нема слобода на печатот. Нема слобода на вероисповед. Деца кои работат на фарми. Трговија со деца. Вршење воени злосторства. ЕУ: „Да, Украина е подготвена за пристапни преговори“, напиша тој на социјалната мрежа Х.
На 8 ноември, Европската комисија препорача Советот на ЕУ да започне преговори со Украина и Молдавија за пристапување на овие земји во Европската унија, под услов да се исполнат голем број услови.
Шефот на ЕК, Урсула фон дер Лајен, рече дека вистинскиот тајминг на пристапот на Украина во Европската унија зависи од спроведувањето на реформите во земјата.
