Убеден сум дека на овие избори ќе се стави крај на владеењето на ДУИ и тие ќе заминат во опозиција, вели лидерот на ВМРО-ДПМНЕ Христијан Мицкоски во интервју за „Република“.
-Очекувам следните избори ДУИ да бидат многу непријатно изненадени од број на освоени гласови. Ова раководство на ДУИ е сериозно и длабоко вплеткано во криминал. Нашата посакувана опција е да се даде шанса на т.н албанска опозиција.Треба да ѝ се даде шанса на ДУИ да помине одреден период во опозиција да се реструктуира, да освежи со нови идеи. Гледате како збунуваат со пораките – од зелена агенда пред една година почнаа со споменици, обедината Албанија. Водат политика денес за утре, а од друга страна, додека одат од еден на друг споменик се возат во „ролс ројс“ и „мајбах“ и купуваат мултимилионски имоти, објасни Мицкоски во интервјуто за „Република“ кое ќе биде објавено утре.
Во интервјуто Мицкоски открива и во која изборна единица ќе се кандидира, колку пратеници очекува, под кои услови ќе ги гласаат уставните измени и дали кога ќе дојдат на власт ќе ги намалат платите на функционерите.
