Во последниот саботен натпревар од 13. коло на шпанското фудбалско првенство, Реал Мадрид на својот стадионо „Сантијаго Бернабеу“ ја совлада Валенсија со 5:1.
Стрелец на водечкиот гол за Реал беше Дани Карвахал во 3. минута. Потоа Валенсија имаше неколку шанси за израмнување, но гостите не ги искористија. Казната за тоа дојде во 42. минута, кога Винисиус Жуниор го постигна првиот од неговите два гола. Валенсија целосно се распадна за две минути од вториот дел. Најпрво во 49. минута Винисиус Жуниор со прецизен удар од 18 метри биеше во долниот десен агол за 3:0, а во 50. минута Родриго ја искористи несмасноста и големата грешка на гостинскиот голман Гиорги Мамадаршвили, кој му „асистираше“ за голот. Родриго вторпат ја затресе мрежата во 84. минута и со тоа ја „зацементира“ позицијата играч на натпреварот, со оглед на двете асистенции за головите на Винисиус. Валенсија успеа да дојде до утешниот погодок во 88. минута, а стрелец беше Уго Дуро.
Фудбалерите на Осасуна освоија бод пред своите гледачи на мечот со Лас Палмас играјќи 1:1, а голот за тимот од Памплона го постигна хрватскиот репрезентативец Анте Будимир. Лас Палмас поведе во 70. минута со голот на Алберто Молеиро. Сепак, гостите беа во водство само три минути. Потоа Монкајола се проби по десното крило, упати остар центаршут во шеснаесетникот, каде што чекаше Будимир и со глава ја упати топката во мрежата. Осасуна остана на 12. позиција со 14 бодови, а Лас Палмас скокна на деветтото место со 18 бодови.
Со истиот резултат (1:1) заврши и натпреварот меѓу Гранада и Хетафе. Гостите поведоа веќе во 2. минута со голот на Борха Мајорал, за што голема заслуга има и асистентот Мејсон Гринвуд. Гранада израмни на крајот од првото полувреме со голот на Гонзало Виљар (45+4). Хетафе е на 11. позиција со 16 бодови, а Гранада е претпоследна со само седум бодови.
Реал Сосиедад победи со 3:1 во судиското надополнување на гостувањето кај Алмерија. Гостите поведоа во 62. минута со голот на Микел Ојарзабал. Серхио Арибас израмни во 76. минута. Сепак, тимот од долниот дел на табелата во Ла Лига не успеа да освои барем бод, бидејќи Баскијците постигнаа уште два гола во продолжението. Карлос Фернандез (90+1) погоди од пенал, а Мартин Зубименди (90+5) ги постави конечните 3-1. Реал Сосиедад се најде на шестото место со 22 бода, а Алмерија е последна со три бода.
Фудбалерите на Жирона и по 13. коло во шпанското првенство ќе останат водечка екипа, бидејќи во првиот натпревар од саботната програма победија со 2:1 против Рајо Ваљекано на гостувањето во Мадрид. Домашните поведоа со голот на Алвар Гарсија во 5. минута. Украинецот Артем Довбик израмни во 42. минута, а Бразилецот Савио во 65. минута ги постави конечните 2:1. Жирона со 11 победи собра 34 бода и е на врвот на табелата со два бода повеќе од Реал Мадрид.
