Хамас е подготвен да го продолжи примирјето за четири дена и да ослободи повеќе израелски заложници во замена за палестински затвореници, изјави во средата извор близок до групата, додека посредниците бараа траен прекин на конфликтот.
Сегашното примирје треба да истече рано во четврток, по шестдневната пауза во конфликтот, предизвикан од смртоносните напади на Хамас што предизвикаа разорна израелска воена офанзива во Појасот Газа.
Со оглед на тоа што 60 израелски заложници и 180 палестински затвореници се веќе ослободени, а повеќе ќе се ослободат во среда според договорот, катарските посредници рекоа дека работат на „одржлив“ прекин на огнот.
Хамас во средата „ги информираше посредниците дека е подготвен да го продолжи примирјето за четири дена“, изјави за АФП извор близок до групата, кој сакаше да остане анонимен.
Според тој аранжманот за ново четиридневно примирје, „Хамас ќе ослободува заложници според условите на постојното примирје“, додаде изворот.
Портпаролот на катарското Министерство за надворешни работи, Маџед Ал Ансари, на прес-конференција во Доха во вторникот изјави дека преговарачите бараат „одржливо примирје што ќе доведе до понатамошни преговори и на крајот до крај… на оваа војна“.
CIA, Mossad, Qatari officials discuss a possible mega-swap deal to release remaining hostages from Gaza
‘Can Hamas deliver?… They’re not in control of all hostages. They’re doing it jointly with the PIJ. Are we negotiating with one or the other?,’ says Col. (Ret.) Miri Eisin pic.twitter.com/NJtBoO0w4k
— i24NEWS English (@i24NEWS_EN) November 29, 2023
