Европскиот совет одлучи да ги отвори пристапните преговори со Украина и Молдавија, објави Шарл Мишел на платформата X.
„Европскиот совет и додели кандидатски статус на Грузија. И ЕУ ќе отвори преговори со Босна и Херцеговина кога ќе се постигне потребното ниво на усогласеност со критериумите за членство и ја покани комисијата да поднесе извештај до март за да донесе таква одлука“.
Тој напиша дека тоа е „јасен знак на надеж за нивниот народ и за нашиот континент“.
The European Council has decided to open accession negotiations with Ukraine & Moldova. #EUCO granted candidate status to Georgia. And the EU will open negotiations with Bosnia and Herzegovina once the necessary degree of compliance with the membership criteria is reached and…
— Charles Michel (@CharlesMichel) December 14, 2023
По објавата на Мишел, на платформата Икс се огласи и украинскиот претседател Володимир Зеленски кој напиша дека ваквата одлука е победа за Украина.
„Ова е победа за Украина. Победа за цела Европа. Победа која мотивира, инспирира и зајакнува“, напиша тој.
This is a victory for Ukraine. A victory for all of Europe. A victory that motivates, inspires, and strengthens. https://t.co/zk44CeL5Ui
— Volodymyr Zelenskyy / Володимир Зеленський (@ZelenskyyUa) December 14, 2023
За одлуката за Х се огласи и претседателката на Европската комисија, Урсула фон дер Лајен, која напиша дека ова е стратешка одлука и ден кој ќе остане врежан во историјата на нашата Унија.
„Горди сме што ги исполнивме нашите ветувања и среќни сме за нашите партнери“, пишува фон дер Лајен.
Leaders have decided to open accession negotiations with Ukraine and Moldova and to grant candidate status to Georgia.
A strategic decision and a day that will remain engraved in the history of our Union
Proud that we have lived up to our promises and delighted for our partners
— Ursula von der Leyen (@vonderleyen) December 14, 2023
Одлуката за отворање на пристапните преговори со Украина и со Молдавија беше неизвесна до самиот крај бидејќи унгарскиот премиер Виктор Орбан најавуваше дека ќе стави вето.
„Гардијан“ пренесува дека Орбан ја напуштил просторијата кога требало да се гласа за оваа одлука. Британскиот медиум потоа објави дека Орбан во видео обраќање на својот фејсбук-профил рекол дека се уште ја смета одлуката за членство на Украина за лоша, но решил да ги остави другите 26 членки да ја донесат одлуката.
