Македонскиот фудбалски репрезентативец Елиф Елмас (24) е на подготовки во Шпанија со својот нов клуб Лајпциг. Елмас потпиша договор со бундеслигашот до 2028 година.
РБ Лајпциг го објави првото видео за Елмас во кое тој зборува на германски јазик. Се очекува во следните месеци да го научи јазикот за што повеќе да комуницира со другите фудбалери и со тренерот Марко Розе.
Македонскиот фудбалер може да игра на која било позиција во средниот ред, а за клубскиот сајт зборуваше за неговиот трансфер во Лајпциг и за амбициите.
„Секако, сè е многу ново, но беше убаво да се излезе на теренот со момците и стручниот штаб. Марко Розе е многу јасен за она што сака да го види и знае како да се справи и да ги подобри младите играчи. Сега, сè е да апсорбирам сè што можам и подобро да ги сфатам основите на теренот. Како да играм како „десетка“, но можам каде било во средниот ред. Ќе се преселам во Лајпциг со моето семејство. Моите родители и браќата и сестрите ќе дојдат со мене. Мојот соиграч во Наполи, Диего Деме, долго време играше за Лајпциг и добро го познава градот. Ми даде неколку совети. Сакам да научам германски што е можно побрзо. Мислам дека е навистина важно да можам да го зборувам јазикот, бидејќи ќе можам поефективно да комуницирам со моите соиграчи. Дајте ми четири или пет месеци за да се снајдам“ – вели Елмас.
https://twitter.com/i/status/1742975660228792730
