Дијагноза на рак на Чарлс III. би можел да го зближи британското кралско семејство, изјави неговиот син принцот Хари во интервју објавено во петокот, додавајќи дека го сака своето семејство и е благодарен што неодамна се ведел со својот татко.
Бакингемскиот дворец претходно овој месец објави дека на Чарлс, кој е на тронот година ипол, му бил дијагностицирана форма на рак што го принуди да ги одложи своите јавни настапи.
Хари, оттуѓен од остатокот од неговото семејство откако тој и неговата американска сопруга, поранешната актерка Меган Маркле ги напуштија кралските должности и се преселија во Калифорнија, слета во Лондон веднаш штом ја слушна веста за болеста на неговиот татко и накратко се сретна со него пред да се врати во САД.
Запрашан дали болеста може да влијае на семејната врска и дали тоа ќе биде случај со кралското семејство, Хари одговори: „Да, сигурен сум“.
Хари минатата година откри многу информации за својот татко и постариот брат во неговата автобиографија „Spare“ (Резева), а документарниот филм на Netflix што го сними со Меган, исто така, откри многу тајни за кралското семејство.
„Го сакам моето семејство. Фактот што успеав да се качам во авионот, да го видам и да поминам време со него – благодарен сум за тоа“, изјави Хари во интервју за Good Morning America.
Кралското семејство по правило крие информации за здравјето на своите членови, но кралот Черлс одлучил јавно да проговори за својата болест, бидејќи е спонзор на многу хуманитарни организации кои се борат против ракот.
Од дворецот потврдија дека тој боледува од рак, но не објавија за каков вид на рак се работи.
