Комисија за енергетика на ВМРО-ДПМНЕ денеска преку соопштение вели дека РЕК Битола втор пат во два месеци е комплетно надвор од мрежа. Според нив, исклучени се трите блока после тешка хаварија на БЛОК 2 која била проследена и со серија експлозии и сериозна штета.
Во продолжение целото соопштение:
„После политичкиот колапс на СДС која е во распад, таа се обидува да го повлече со себе и најголемиот енергетски комбинат во Македонија РЕК Битола.
Функционирањето на РЕК Битола е хаотично, она од што се плашевме и предупредувавме овие седум години кулминираше денес. Имено, во попладневните часови испаднал електростатскиот филтер на БЛОК 2, бидејќи седум години не било извршено чистење, односно парите за чистење биле префрлани на фирми блиски на власта, а воопшто не било интервенирано. После испадот на електростатскиот филтер, системот автоматски пристапил кон хавариско исклучување на БЛОК 2 со цел да се заштити од поголема хаварија котелскиот и турбинскиот дел.
Директорот – Свирач Пеце, заедно со Техничкиот директор Благојче и Директорот на Електрани Пасков испаничени од тоа дека РЕК Битола по втор пат е комплетно надвор од мрежа дошле во видно алкохилизирана состојба во БЛОК Команда на Блок 2 и најверојтно славејќи ги успешните тендери со кои ги почастија Маркоски конзулот и струмичката фирма, почнале да вршат притисок и со закани кон персоналот за да се вклучи Блокот. После голема расправија и хаос, под закани персоналот започнал со принудно вклучување на Блокот, по што се случило подладување во КОТЕЛСКИОТ ДЕЛ и голема експлозија проследена со парна завеса и пожар! После оваа тешка хаварија, Свирачот со тимот се повлекле и го оставиле персоналот сам да се справува со тешката состојба во комбинатот.
Колку милиони евра ќе чини оваа хаварија? Колку милиони евра ке чини увезената струја? Зошто не може да се вклучи стартната котлара која служи да се заштитат машините од колапс и поголеми оштетувања?
Ова се дел од прашањата кои менаџерскиот тим на ЕСМ и РЕК Битола ќе мора да ги одговорат, а наскоро и органите на прогонот конечно очекуваме да се разбудат од зимскиот сон и да почнат да го гонат криминалот кој последниве седум години според наши извори чини повеќе од 1 милјарда евра!
Македонската енергетика раководена од СДС и ДУИ е во комплетен колапс и ова денес е само крајот на оваа корупциска клептоманска власт. РЕК Битола седум години се користи само како пералница на пари од која во континуитет се испумпуваат огромни суми на пари од народот на Македонија, задоволувајќи ги апетитите на партиските структури. Електроенергетскиот систем на Република Македонија е изграден со НАРОДНИ ПАРИ и тој никако не може да генерира загуба сам по себе, туку таа загуба се генерира од погрешното менаџирање, партиско раководење и вработувања, како и кражба на природните ресурси кои му припаѓаат на народот на Македонија, профити кои заминуваат во џебовите на нарко картелот од Муртино, Али Ахмети, Груби и Оркестарот од РЕК Битола поставен на менаџерски позиции.
Крајот на ова лудило е многу блиску, а потоа сите ќе одговараат!“, велат од Комисијата за енергетика на ВМРО-ДПМНЕ.
https://googleads.g.doubleclick.net/pagead/ads?client=ca-pub-7267331270472393&output=html&h=600&slotname=2484958967&adk=3118146227&adf=1845372076&pi=t.ma~as.2484958967&w=300&abgtt=6&fwrn=4&fwrnh=100&lmt=1717141520&rafmt=1&format=300×600&url=https%3A%2F%2Fmk.tv21.tv%2Fkomisija-za-energetika-na-vmro-dpmne-isklucheni-trite-bloka-vo-rek-bitola-imalo-serija-eksplozii-i-seriozna-shteta%2F&hl=en&fwr=0&fwrattr=true&rpe=1&resp_fmts=4&wgl=1&dt=1717152667333&bpp=2&bdt=950&idt=523&shv=r20240529&mjsv=m202405280101&ptt=9&saldr=aa&abxe=1&cookie=ID%3De45efd84ec120a20-22516018f7e200b6%3AT%3D1697747771%3ART%3D1717152421%3AS%3DALNI_MbDvEn_B1i-r6yx2XFniZyLugnxzw&gpic=UID%3D00000c9cb46e728e%3AT%3D1697747771%3ART%3D1717152421%3AS%3DALNI_MYTCqhVhouO6c96B2-0zi7my3Ro_A&eo_id_str=ID%3D34854bed1f982fba%3AT%3D1714378823%3ART%3D1717152421%3AS%3DAA-Afjawrnf-keTCmSBkaoYJZrC1&prev_fmts=0x0%2C852x280&nras=1&correlator=3090037587994&frm=20&pv=1&ga_vid=672779758.1685257048&ga_sid=1717152668&ga_hid=1111679100&ga_fc=1&u_tz=120&u_his=1&u_h=768&u_w=1366&u_ah=738&u_aw=1366&u_cd=24&u_sd=1&adx=971&ady=420&biw=1349&bih=625&scr_x=0&scr_y=0&eid=44759875%2C44759926%2C44759842%2C31084025%2C44795922%2C95331688%2C95331833%2C95331982%2C31084103%2C95334054%2C95334158%2C95334312&oid=2&pvsid=3058533891750614&tmod=2042589392&uas=0&nvt=1&fc=1920&brdim=-8%2C-8%2C-8%2C-8%2C1366%2C0%2C1382%2C754%2C1366%2C625&vis=1&rsz=%7C%7CoeE%7C&abl=CS&pfx=0&fu=128&bc=31&bz=1.01&ifi=3&uci=a!3&fsb=1&dtd=530