Во Грција започна пријавувањето за бесплатни ваучери за одмор. Пријавите се поднесуваат по електронски пат до министерството за труд. Право на бесплатен одмор имаат 300.000 семејства, меѓу кои и Бугарите кои живеат и работат во земјава.
Програмата „Одмор за сите“ е вредна вкупно 50 милиони евра, што е за 43 отсто повеќе средства од лани, информираат од Министерството за труд. Резервациите за ваучери за одмор започнуваат од 1 јули годинава. Обезбедени се до шест бесплатни ноќевања за семејства. При летување на островите Самос, Лерос, Лезбос и Хиос, ноќевањата се зголемуваат на десет со цел да се зголеми туристичкиот проток на овие острови. При летување во областите Тесалија и Еврос, кои настрадаа од катастрофите минатата година, бесплатните ноќевања се 12.
Поради високите цени на билетите за траект оваа година, ваучерите вклучуваат и намалување на цената на патувањето за 75%. Приоритет имаат семејствата со ниски приходи и пензионерите, објави порталот Новините.
