Унгарскиот премиер Виктор Орбан изјави дека може да го поддржи холандскиот премиер во заминување Марк Руте за функцијата генерален секретар на НАТО доколку се исполнат одредени услови.
Руте мора да се извини за „навредливите забелешки“ што ги даде за Унгарија, рече Орбан во интервју за порталот Mandiner. Холандскиот политичар, исто така, мора да се согласи дека Унгарија не мора да учествува во какви и да се воени мисии на НАТО насочени против Русија во Украина, рече Орбан.
Мандатот на актуелниот генерален секретар на НАТО, Норвежанецот Јенс Столтенберг истекува во октомври по неколкукратното продолжување. Потребен е консензус на Алијансата од 32-те земји членки за да се избере наследник.
Во моментов, сите земји-членки освен Романија и Унгарија го поддржуваат Руте. Романија има свој кандидат за највисокото место во НАТО – претседателот Клаус Јоханис, чиј втор мандат завршува наесен и кој не може повторно да се кандидира.
„Ние ја поддржуваме Романија“, рече Орбан во споменатото интервју.
Неговите коментари за предусловите за Руте очигледно се однесуваат на случајот Букурешт да ја повлече кандидатурата на Јоханис, за тшто се шпекулура дека се врши притисок врз романската влада.
