Во понеделникот цените на акциите значително паднаа на европските берзи, особено на париската берза, по шокантната одлука на францускиот претседател Емануел Макрон да го распушти парламентот.
Индексот STOXX 600 на водечките европски акции беше во минус од 0,7 отсто во првиот дневен пресек од тргувањето. Истовремено, лондонскиот FTSE индекс ослабе за 0,54 отсто, на 8.200 поени, додека франкфуртски DAX се лизна за 0,72 отсто, на 18.424 поени, а париски CAC 1,82 отсто, на 7.856 поени.
Индексот CAC потона на најниско ниво во последните три месеца, а акциите на едни од најголемите француски банки – „BNP Paribas“, „Societe Generale“ и „Credit Agricole“ – паднаа најмногу, меѓу 3,8 и 5,5 проценти.
Инвеститорите беа загрижени од одлуката на францускиот претседател Макрон да го распушти парламентот и да распише нови парламентарни избори на крајот на месецот, откако крајно десничарската партија на Марин Ле Пен победи на европските избори во неделата. Шокантната одлука на Макрон ја потресе политичката сцена бидејќи крајната десница, која со години е во подредена положба, би можела да дојде на власт на претстојните парламентарни избори во Франција.
И на повеќето азиски берзи цените на акциите паднаа. MSCI индексот на азиско-пацифичките акции, без јапонските, во истиот момент од тргувањето како и во Европа беше во минус 0,4 отсто. Истовремено, јапонскиот индекс Nikkei зајакна за 0,9 отсто, додека цените на акциите во Јужна Кореја паднаа за 0,8 отсто. Шангај, Австралија, Хонгконг и Тајван денеска се затворени поради празникот.
Пазарите се претпазливи бидејќи акциите на њујорпки Волстрит паднаа во петокот, откако беше објавено дека бројот на американски работници пораснал значително повеќе од очекуваното во мај. Тоа значи дека растот на економијата и потрошувачката продолжуваат со солидно темпо, па инфлаторните притисоци би можеле да зајакнат.
Затоа, јасно е дека американската централна банка Федералните резеви (Federal Reserve – Fed) нема да брза со намалување на каматните стапки. Така, никој не очекува дека челниците на централната банка ќе ги намалат каматните стапки на овонеделната седница, а ниту на онаа во јули.
Цените на акциите силно се зголемуваат со месеци поради шпекулациите дека Fed агресивно ќе ги намали каматните стапки оваа година, што ќе го поддржи економскиот раст. Сепак, овие шпекулации стивнаа бидејќи сите најнови податоци покажуваат дека инфлаторните притисоци во САД се сѐ уште силни, а пазарот на трудот е сè уште силен. Поради ова, пооптимистичките аналитичари сега очекуваат две намалувања на каматните стапки оваа година, и попесимистичко, а можеби и никакво намалување.
