Полициски службеници од Оперативен тим потраги при СВР Скопје денеска околу 13:45 часот на улицата „Ферид Мурати“ го лишиле од слобода 29-годишниот Р.Ј . од скопското село Арачиново
Тој бил баран по централна потерница врз основа на наредба од Основен кривичен суд Скопје за издржување казна затвор од 12 години за сторени кривични дела „убиство“ по член 123 став 2 точка 7 и „неовластено изработување, држење, посредување и тргување со оружје или распрскувачки материи“ по член 396 став 1 од Кривичниот законик, информира Министерството за внатрешни работи.
Лицето ќе биде спроведено во надлежната казнено – поправна установа за издржување на казната.