Инфлацијата во Европската унија благо забрза во мај, првпат од крајот на 2023 година, следејќи го трендот во еврозоната, покажа во вторникот објавениот извештај на Европската статистичка служба (Eurostat).
На ниво на 27-члената ЕУ, годишната стапка на инфлација мерена со хармонизираниот индекс на потрошувачки цени (HICP), кој овозможува споредба меѓу земјите-членки, во мај изнесувала 2,7 отсто, пресметале статистичарите.
Цените во десетчлената еврозона, пак, во мај пораснала за 2,6 отсто, ја потврди Eurostat проценката од крајот на мај. Во април тие биле за 2,4 отсто повисоки во однос на истиот месец лани.
Растот на цените забрза во мај и во еврозоната и во ЕУ првпат од крајот на минатата година.
На месечна основа, цените во двата региона во мај пораснале за 0,2 отсто, пресмета Европскиот завод за статистика. Во претходниот месец тие се зголемија и во еврозоната и во ЕУ за 0,6 отсто.
Во мај цената на услугите пораснала најмногу во еврозоната, за 4,1 отсто во однос на истиот период лани.
Цената на свежата храна пораснала за 1,8 отсто, посилно од претходниот месец. Цените на енергијата се зголемени првпат по нешто повеќе од една година, за благи 0,3 отсто, пресметале статистичарите.
Во мај 2023 година, годишната стапка на инфлација во еврозоната изнесувала 6,1 отсто, а во ЕУ 7,1 отсто.
Највисока годишна стапка на инфлација во ЕУ е забележана во Романија во мај, од 5,8 отсто, објави Eurostat.
Следat Белгија и Хрватска, членки на еврозоната, со раст на потрошувачките цени мерен со HICP за 4,9 односно 4,3 отсто во однос на ланскиот мај. Во април цените мерени со HICP се зголемиле во најновата членка на еврозоната – Хрватска за 4,7 отсто.
Во групата земји со раст на цените блиску до нивото од четири отсто се и Унгарија, Шпанија и Португалија, каде што забележале раст од приближно 3,8 отсто.
Финска забележа најниска годишна стапка на инфлација во мај, од 0,4 отсто. Во Летонија, пак, цените стагнирале, покажува извештајот на Eurostat.
