Цените на нафтата се стабилизираа над нивото од 84 долари на меѓународните пазари во вторникот, како одраз на јазот во проценките на побарувачката пред почетокот на летниот квартал и сезоната на патувања во САД.
На лондонскиот пазар цената на барелот во попладневното тргување беше речиси непроменета во однос на вчерашното затворање на пазарот и изнесуваше 84,23 долари. Вчера го затвори трговувањето со добивка од 1,63 долари. Позначителни промени денеска немаше ниту на американскиот пазар, каде барелот се тргува по 80,36 долари. Вчера го затвори тргувањето со добивка од 1,88 долари.
Засебно, Организацијата на земјата извознички на нафта (OPEC) објави дека барелoт од рефрентната нафтена кошница на нејзините членки во понеделникот поскапел за 37 центи на 83,06 долари.
Кон крајот на вчерашното тргување, расположението го одбележаа оптимистички оценки за побарувачката во летниот квартал. Американската инвестициска банка „Goldman Sachs“ минатата седмица процени дека поради силната побарувачка за време на летната сезона на патувања во САД, пазарот треба да забележи недостиг на понуда од 1,3 милиони барели во третиот квартал.
Оптимизам сигнализира и OPEC со потврдена проценка според која побарувачката оваа година треба да се зголеми за 2,25 милиони барели дневно. Групацијата одлучи постепено да ја зголемува понудата од крајот на годината. Меѓународната агенција за енергија (IEА), која ги советува членките на Организацијата за економска соработка и развој (OECD), вклучително и водечките потрошувачи, очекува за половина поголем раст, за нешто повеќе од милион барели дневно. Во вакви услови на пазарите во вторник повторно преовладуваше внимателност.
„Фокусот на пазарот се префрли на фундаменталните основи кои покажуваат слабост веќе некое време“, напиша Франциско Бланч од BoFA во белешката за коминтентите, истакнувајќи дека залихите од сурова нафта и дестилати во магацините во САД и Сингапур се повисоки отколку на други места во светот.
„Растот на глобалната побарувачка на нафта забави до 890.000 барели дневно во првиот квартал, а податоците покажуваат дека трендот веројатно ќе продолжи и во вториот квартал“, додава Бланч во белешката.
Некои аналитичари, пак, опстојуваат на своите проценки дека цената на нафтата треба да порасне на краток рок.
„Најновите насоки на OPECК+ и нивната потврда на проценката според која побарувачката треба да расте за 2,25 милиони барели дневно сигнализираат дека понудата во 2024 година ќе расте со исто темпо (како минатата година) и укажува на можноста за намалување на производството во 2025 година“, смета Патрисио Валдивиесо од „Rystad Energy“.
Вниманието сега се префрла на американските акции. Здружението на производители на API ќе ги објави податоците за залихите од минатата недела во текот на денот, а владата утре.
