Од полноќ поскапуваат бензините од 1,5 до 2,5 денари, одлучи денеска Регулаторната комисија за енергетика и водни услуги. Цената на Еуросупер БС-95 се зголемува за 1,5 денари за литар и тој ќе се продава по цена од 82,5 денари за литар.
За два денара поскапуваат и Еуросупер БС-98 и Екстра лесното масло за домаќинство, а за 2,5 денари дизел горивото.
Според одлуката на РКЕ, новата цена на Еуросупер БС-98 ќе биде 85 денари за литар, а малопродажната цена на Екстра лесното масло за домаќинство 75 денари за литар.
Новата цена на дизелот ќе изнесува 76,50 денари за литар.
Се зголемува и малопродажната цена на мазутот за 1,040 ден/кг кој од полноќ ќе се продава по цена од
46,720 ден/кг.
