Полски рудар кој бил заробен под земја од четвртокот бил пронајден жив од спасувачите во саботата, објавија локалните медиуми, пренесува Reuters.
Рудникот Ридултови во јужна Полска, со кој управува државната групација PGG, беше погоден од земјотрес околу 8 часот во четвртокот на длабочина од околу 1.200 метри.
Еден рудар загина како последица на земјотресот. Вкупно 76 рудари беа спасени во четвртокот, а 17 од нив се хоспитализирани.
Државниот информативен канал TVP Info објави дека рударот бил свесен кога спасувачите стигнале до него.
Повеќето од претходно хоспитализираните рудари се пуштени од болница, објави TVP Info.
