Актерот Ален Делон денеска беше погребан на својот имот во најстрога приватност. Семејството и пријателите се простија од него во капелата на неговиот имот во Души.
Францускиот актер, кој почина во неделата на 88-годишна возраст, конкретно побара да нема државни почести, инсистирајќи дека сака да биде погребан „како и секој друг“.
Делон побарал погреб кој ќе го води католичкиот свештеник монсињор Жан-Мишел Ди Фалко (82), поранешен бискуп на Гап во југоисточна Франција и долгогодишен пријател на актерот.
Капелата се наоѓа на гробишта на имот каде Делон закопал најмалку 35 од своите миленици.
