Бранителот на титулата на УС опен Новак Ѓоковиќ се пласираше во третото коло откако неговиот сонародник Ласо Ѓере го предаде мечот при водство на Ѓоковиќ од 2:0 во сетови (6-4 6-4) и 2:0 во гемови во третиот сет. Мечот до моментот кога Ѓере реши да го предаде траеше два часа и 12 минути.
Во третото коло Ѓоковиќ ќе игра против Австралијанецот Алексеј Попирин кој беше подобар од Педро Мартинез од Шпанија со 3:0 во сетови.
Победи во второто коло на УС опен забележаа и другите фаворити. Бугаринот Григор Димитров го совлада Хиџиката со 3;0 во сетови, а со убедливи 3:0 славеше и Германецот Саша Зверев против Милер од Франција.
Италијанецот Мусети се пласираше во третото коло по голем борба против Србинот Кецмановиќ кого го совлада со 3:2, а утринава победи зебележаа и Норвежанецот Каспер Руд против Французинот Монфилс и Тејлор Фриц од САД против Италијанецот Беретини.
