Безбедносните служби на Меѓународниот аеродром во Јоханесбург – еден од најпрометните во Јужна Африка, уапсиле жена на која на рендгенските снимки ѝ биле пронајдени 68 капсули кокаин во стомакот, со вкупна тежина од околу 850 грама. Таа е обвинета за криумчарење дрога.
Откако полицијата добила дојава дека женате се обидела да пренесе дрога на лет од Сао Паоло, Бразил, 30-годишната патничка од Намибија била запрена и уапсена на аеродромот.
Таа е 10-то лице уапсено на овој аеродром изминативе два месеца под сомнение за криумчарење дрога, според полициските извештаи. Минатата недела беше уапсен и еден Нигериец кој се соочува со слични обвиненија.
