Првпат по многу децении, The Washington Post нема да поддржи кандидат на годинешните претседателски избори, објави во петокот издавачот на американскиот весник, шокирајќи го персоналот на влијателниот дневеник, објави во петокот телевизиската мрежа CNN.
„The Washington Post нема да поддржи претседателски кандидат на овие избори. Се враќаме на нашите корени да не ги поддржуваме претседателските кандидати“, објави во соопштението издавачот и шеф на весникот Вил Лејвис.
Весникот објави дека одлуката ја донел сопственикот на изданието, милијардерот и основач на интернет продавницата „Amazon“, Џеф Безос, цитирајќи два извора запознаени со ова прашање.
Персоналот на редакцијата кој работи на воведникот на WP составиле нацрт-текст за поддршка на потпретседателката Камал Харис, кој бил подготвен за одобрување од уредништвото, но нацртот никогаш не беше претставен, изјавил за CNN неименуван соговорник запознаен со ова прашање.
„Многу луѓе од воведникот (едиторијалот) беа изненадени и лути“, рекол изворот.
The Washington Post поддржува претседателски кандидат на сите избори од 1980-те. Во изјавата, Лејвис алудира на претходни одлуки на уредништвото да не поддржи кандидат како право „на коешто се враќаме“.
„Признаваме дека тоа ќе биде сфатено на различни начини, вклучително и премолчена поддршка за еден кандидат или осуда на друг, или како одрекување од одговорноста. Тоа е неизбежно. Ние не го гледаме тоа така. Ние тоа го гледаме како доследност на вредностите за коишто Post отсекогаш се залага и како нешто на коешто се надеваме кај лидерот: карактер и храброст во служба на американската етика, почитување на владеењето на правото и човековата слобода во сите нејзини аспекти“, продолжи Лејвис.
Како по правило, сопствениците на весници имаат улога во изборот на кандидатите кои весникот ќе ги поддржи и одобрува едиторијали, кои се сметаат за одраз на нивните верувања.
Портпаролот на весникот не ги коментираше извештаите.
„Кукавичлук“
Колумнистот на весникот Роберт Каган изјави за CNN дека го напуштил весникот поради одлуката на Безос да го запред давањето поддршка за некој од кандидатите. Потегот набрзо беше, исто така, осуден и од Марти Барон, поранешен извршен уредник на WP кој го водеше весникот за време на упадот на Капитол на 6-ти јануари 2021 година.
„Ова е кукавичлук, а демократијата е нејзина жртва. Доналд Трамп ќе го сфати ова како покана за дополнително да го заплаши сопственикот на Безос (и другите). Вознемирувачка безрбетност во институција позната по храброст“, напиша Барон во објавата на социјалните мрежи јасно давајќи до знаење кому
Додека Барон беше уредник, весникот доби Пулицерова награда за покривањето на упадот на подржувачите на Доналд Трамп во Капитол обидувајќи се да го попречат прогласувањето на победата на претседателските избори на актуелниот претседател Џо Бајден за која и ден денес велат дека била лажирана, а што го опиша како „обид за државен удар“.
За време на неговиот мандат како претседател, Трамп се судри со Безос, особено кога станува збор за „Amazon“. Трамп го нарече The Washington Post – кој водеше кампања против републиканецот и на изборите во 2020 и на оние во 2016 година – „лажни вести“ и отфрли да го третира како весник сметајќи го за „главен лобист“ на „Amazon“.
Трамп директно го обвини „Amazon“ дека не плаќа доволно даноци и дека ја злоупотребува американската поштенска служба.
Барон во својата книга „Collision of Power” напиша дека Безос бил тој што помогнал да се одлучи за слоганот „Демократијата умира во темнина“ што весникот го усвои во текот на мандатот на Трамп.
Но, одлуката на Безос да не поддржи ниту еден кандидат на годинешните претседателски избори налути некои членови на редакцискиот одбор, изјавија извори од The Washington Post за CNN.
„Гневни сме“, рекол еден од авторите, укажувајќи дека персоналот размислува за потпишување отворено писмо во кое би ја критикувале одлуката на сопственикот.
Одлуката на Безос доаѓа само неколку дена откако Патрик Сон-Шионг, сопственик на The Los Angeles Times, ја блокираше намерата на весникот да ja поддржи Харис, што доведе до оставка на тројца членови на редакцијата.
Најголемите мејнстрим весници и телевизиски мрежи во САД, уште од кампањата за претседателските избори 2016 година се изјаснија против Трамп, а таквиот критизерски однос го задржаа и во текот на неговиот мандат до 2020 година, а го продолжија и откако ги загуби тие избори.
