Албанскиот премиер Еди Рама ја објави, како што ја нарече, одличната вест за пензионерите, кои ќе добијат новогодишен додаток во износ од 100 до 150 евра, зависно од висината на пензиите.
За таа цел владата во наредните денови ќе издвои фонд од 100 милиони евра.
-Овој бонус ќе биде на две нивоа: Сите пензионери кои имаат пензија до 20 илјади леки или 200 евра ќе добијат по 150 евра, што е три пати поголем износ од претходниот додаток. Пензионерите кои имаат пензија поголема од 20 илјади лека ќе добијат двојно поголем бонус од претходните години, односно по 100 евра, рече Рама.
Оваа разлика меѓу првата и втората група, според него, не се прави за да се даде “помалку на оние кои имаат повисока пензија, туку за да се даде повеќе на оние кои имаат помала пензија“
-Бонус од по 150 евра ќе добијат повеќе од половина милион пензионери. Точно, 511 илјади, каде покрај 400 илјади 500 баби и дедовци, опфатени се и 65.800 трудови инвалиди и 44.600 корисници на пензија како мајки или деца без родители. По 100 евра ќе добијат други околу 210 илјади пензионери, рече Рама.
Тој вети дека владата планира исплата на бонус за пензионерите и во месец март.