Овогодинешната сезона на празнични купувања не испадна добро за трговците на мало во Германија, бидејќи целокупната состојба во светот ја потисна подготвеноста на потрошувачите да трошат, изјави шефот на водечката трговска организација се вели во коментарите објавени еден ден пред Божик.
„Расположението е лошо поради војните во светот и политичките неизвесности во Германија. Тоа влијаеше на расположението на потрошувачите“, изјави претседателот на Германското здружение за малопродажба (HDE) Александер фон Преен.
Според него, потрошувачите штедат пари, па многу трговци на мало беа незадоволни за време на божикната шопинг сезона.
Здружението очекува трошоците прилагодени според инфлацијата за време на божикната сезона, во најдобар случај, да бидат на ниво на минатогодишните бројки.
Атмосферата на предбожикниот период оваа година во однос на очекувањата на трговците на мало беше многу попредизвикувачки од минатата година, велат од HDE.
Колапсот на коалицијата на сојузната влада на левиот центар и претстојните нови избори, исто така, имаат силно влијание врз однесувањето на купувачите, соопшти трговската асоцијација.
„Луѓето не знаат што ќе донесе 2025 година и тоа ги загрижува“, рече фон Преен.
Тоа одвратило многумина да излезат во градовите за да уживаат на божикните базари. Но, некои сектори, како што се козметиката, играчките и книгите, покажаа подобри резултати.
