Ана Радеска (16) од Скопје живее со ретко медицинско нарушување, кое предизвикува сериозни здравствени компликации. Станува збор за ретката болест Арнолд Киари.
Единствената шанса за нормален живот на Ана е сложена операција на мозокот во специјализирана болница во Германија.
Вкупните трошоци изнесуваат 37 илјади евра, што ја опфаќа операцијата, престојот, лекувањето и транспортот.
Семејството на Ана нема можност да ги покрие овие средства и затоа деновиве преку социјалните мрежи апелира за поддршка, за донации и за споделување на приказната на Ана со колку што е можно повеќе луѓе.
