Денвер Нагетс во рок од само неколку дена забележа уште една победа над Далас Маверикс во Тексас, овојпат многу полесно со резултат 118:99.
Во претходното соочување гостите од Колорадо направија голем пресврт за да додат до триумф, но рано утрово таа задача полесно ја реализираа и покрај тоа што кај домаќините се врати ѕвездата Ирвинг.
Незадржлив беше Мареј со 45 поени и 6 асистенции, Портер Јуниор уфрли 13 кошеви, додека пак Јокиќ имаше трипл-дабл со само 10 поени, плус 14 скока и 10 асистенции.
Меѓутоа ова беше доволно за Србинот за постави уште еден рекорд во НБА лигата, стана најбрз играч со 15.000 поени, 7500 скокови и 5000 асистенци, поточно го надмина легендарниот Лери Бирд на кого за овој учинок му биле потребни 799 натпревари, а на Јокиќ 90 помалку.
Кливленд Кавалирс пак и се реваншираше на Индијана Пејсерс за поразот од пред некој ден и тоа со славје во Индијанаполис од 127:117.
Гостите подобро ги изиграа првата и третата четвртина, тука направија разлика кој се покажа како пресудна за конечниот резултат. Мичел се истакна со 35 поени и 9 скока, Гарланд додаде 24, додека Мобли имаше двоен учинок од 22 поени и 13 скока.
Сиакам со 23 коша беше најистакна поединец кај поразениот тим.
РЕЗУЛТАТИ:
Индијана пејсерс – Кливленд кавалирс 117:127
Филаделфија севентисиксерс – Оклахома сити тандер 102:118
Атланта хокс – Финикс санс 122:117
Чикаго булс – Њу Орлеанс пеликанс 113:119
Милвоки бакс – Сакраменто кингс 130:115
Далас маверикс – Денвер нагетс 99:118
Портланд трејлблејзерс – Бруклин нетс 114:132
