Кинеската економија забрза во четвртиот квартал, со посилен раст на индустриското производство и инвестициите на компаниите на самиот крај од годината, покажаа официјалните податоци објавени во петокот.
Во периодот октомври-декември, бруто домашниот производ (БДП) на Кина пораснал за 5,4 отсто во споредба со истиот период претходната 2023 година, објави Националното биро за статистика.
Во третиот квартал е зголемен за 4,6 отсто.
На квартална основа, БДП пораснал за 1,6 отсто, што сигнализира благо забрзување во однос на периодот јули-септември кога, според ревидираните податоци, се зголеми за 1,3 отсто.
За целата 2024 година, економијата порасна за пет проценти, во согласност со целта поставена од Пекинг.
Заводот за статистика истовремено предупреди дека е засилено негативното влијание на надворешното опкружување, а домашната побарувачка е недоволна. Макроекономската политика на владата треба да биде поактивна и поефективна, нагласуваат статистичарите.
Во декември, индустриското производство значително забрзало, со годишна стапка на раст од 6,2 отсто. Во ноември е зголемен за 5,4 отсто.
Продажбата на мало е зголемена за 3,7 отсто, нешто посилно во однос на претходниот месец. Позначајно, инвестициите на компаниите се зголемени за 3,7 отсто, по растот од 3 отсто во претходниот месец. Тие пораснаа за 3,2 отсто минатата година, приближно исто темпо како и во 2023 година.
Инвестициите во недвижности лани потонале за 10,6 отсто.
Стапката на невработеност во декември беше 5,1 отсто, нешто повисока од ноември.
