Во последниот натпревар од 21. коло од италијанското фудбалско првенство, Интер го совлада Емполи со 3:1, со што се доближи до лидерот Наполи на три бода заостанување, но со еден натпревар помалку.
Интер поведе во 55. минута со голот на Лаутаро Мартинез, а во 79. минута Дензел Дамфрис го зголеми водството на домашните. Емполи се врати во меќот во 84. минута со голот на Себастијан Еспосито, но голот на Маркус Турам во 89. минута за 3:1 ги разреши сите сомнежи околу победникот.
На табелата води Наполи со 50 бодови, Интер има 47 и натпревар помалку, а трета е Аталанта со 43 бодови.
Лацио без поголеми проблеми ја совлада Верона со 3:0 на гостински терен. За римскиот тим погодија Самуел Гигот (2), Буле Диа (21) и Матија Закањи (58). Домашниот тим во последните моменти од натпреварот остана без исклучениот Ондреј Дуда.
Лече беше поразен на гостувањето кај Каљари со 1:4. Лече поведе во 42. минута со голот на Сантијаго Пјероти, но домашните го свртеа резултатот постигнувајќи четири гола. Џанлука Гаетано израмни во 60. минута, а пет минути подоцна Себастиано Луперто го сврте резултатот (65). Новите проблеми за Лече стигна во 72. минута кога беше исклучен поранешниот хрватски интернационалец Анте Ребиќ. Ребиќ направи прекршок туркајќи го Јери Мина одзади, а потоа со копачката го згази додека овој беше на тревникот па заработи директен црвен картон. Каљари го зголеми водството во 80. минута преку Надир Зорте, а три минути подоцна Адам Оберт зголеми на 4:1. Каљари сега е на 13. место со 21 бод, додека Лече е на 16. позиција со 20 бодови.
Фиорентина и Торино одиграа нерешено 1:1. Домаќините поведоа со голот на Мојс Кин во 38. минута од натпреварот, но Торино израмни во 70. минута, а голот беше Гвидас Гинеитис.
Со идентичен резултат заврши и натпреварот меѓу Парма и Венеција. Двата гола беа постигнати од пенал. Џоел Похјанпало ги доведе гостите во водство во 20. минута, а Ернани израмни во 56. минута.
Во понеделник колото се затвора со дуелот Комо – Удинезе.
