Панамскиот претседател Хозе Раул Мулино во понеделникот изјави дека Панамскиот канал ѝ припаѓа на Панама и ќе остане така, како одговор на американскиот претседател Доналд Трамп.
„Каналот ѝ припаѓа и ќе продолжи да ѝ припаѓа на Панама“, рече Мулино како одговор на Трамп, кој по неговата инаугурација вети дека ќе ја „врати“ контролата врз Панамскиот канал.
„Морам целосно да ги отфрлам изјавите на претседателот Доналд Трамп (…) каналот припаѓа и ќе продолжи да и припаѓа на Панама“, објави Мулино на платформата X.
Трамп во својот инаугуративен говор рече дека САД ќе го повратат Панамскиот канал, „кој сега го контролира Кина, а не Панама“, но не наведе дополнителни детали.
„Целта на нашиот договор и духот на нашиот договор се целосно прекршени“, рече Трамп.
