По постигнувањето на договорот за прекин на огнот Израел им дозволи на раселените Палестинци да се вратат во северните делови на Појасот Газа. Палестинците од рано утрово чекаа во своите автомобили за да преминат во северниот дел на земјата за прв пат по повеќе од 15 месеци. Отворањето на патот кон север претходно беше одложено поради спорот меѓу Хамас и Израел, кој рече дека милитантната група го променила редоследот на заложниците што ги ослободи во замена за стотици палестински затвореници.
Прекинот на огнот има за цел да ја запре најсмртоносната и најразорната војна што некогаш се водела меѓу Израел и Хамас и да обезбеди ослободување на десетици заложници заробени во нападот на милитантите на 7 октомври 2023 година, што ги предизвика борбите.
Израел нареди сеопфатна евакуација на северот во првите денови на војната и го затвори набргу откако таму влегоа израелските копнени трупи. Околу милион луѓе побегнаа на југ и не им беше дозволено да се вратат назад.