Хјустон Рокетс ги изненадија Бостон Селтикс во нивниот „ТиДи Гарден“ и победија со 114:112, а победничкиот кош го постигна Амен Томпсон на 1,3 секунди до крајот на натпреварот.
Томпсон успеа да го измеша својот чувар и со шут од рекетот ги израдува соиграчите и главниот тренер Име Удока, кој пред три години мораше да ја напушти клупата на Селтикс поради афера со клупска службеничка.
Тоа беше 33-ти поен за Томпсон на мечот, со кој постави личен рекорд во НБА. Рекордна вечер имаше и Дилон Брукс кој погоди 10 „тројки“ од 15 обиди, што го доведе до 36 поени.
Рокетс го добија третиот последователен натпревар и се искачија на второто место во Западната конференција со скор од 31-14.
Бранителот на титулата во 15-от пораз сезонава го предводеше Џејлен Браун со 28 поени, Џејсон Тејтум постигна 19, а Лук Корнет постигна 18 поени. Селтикс (32-15) сѐ уште се на второто место во Источната конференција, но третопласираниот Њујорк Никс (31-16) е многу блиску до пласман.
Њујорк Никс ги совладаа Мемфис Гризлис со убедливи 143:106 во „Медисон Сквер Гарден“, со што се искачија на третото место во Западната конференција. Седумте играчи на Њујорк со двоцифрен учинок ги предводеше Микал Бриџис со 28 поени, а Карл-Ентони Таунс заедно постигна 24 поени и 11 скока во четвртата последователна победа на Никс. Џерен Џексон Џуниор беше најдобар стрелец на Гризлис со 21 поен, бидејќи нивната втора серија од шест победи оваа сезона беше прекината.
Лос Анџелес Лејкерс (26-18) исто така имаат серија од четири победи, победувајќи со 112:107 на гостувањето во Шарлот, најмногу благодарение на рекордот на Ентони Дејвис оваа сезона. Центарот на Лејкерс постигна 42 поени и имаше 23 скока. Целосен придонес имаше Леброн Џејмс со 22 поени, седум скока и осум асистенции.
Мајлс Бриџис имаше 26 поени и осум скока за да ги предводи Хорнетс (12-31), кои загубија три од последните четири натпревари. Домашниот тим во втората четвртина остана без ЛаМело Бол, кој го исчаши левиот зглоб.
Возбудливо беше дербито на Флорида во Мајами, каде домашните Хит успеаја дури во второто продолжение да го скршат отпорот на Орландо Меџик и да победат со 125:119. Тајлер Херо постигна 30 поени и уфрли 12 асистенции за победниците. Бам Адебајо заврши со 26 поени, 10 скока и девет асистенции.
На победата на Хит ѝ претходеше нова, трета суспензија сезонава за нивната најголема ѕвезда Џими Батлер, која му беше изречена поради однесување кое беше штетно за тимот. Батлер овојпат е суспендиран од тимот на неодредено време.
Франц Вагнер со 29 поени ги предводеше Меџик, а неговиот кош му го донесе на Орландо првото продолжение, во кое гостите го загубија водството со 116:110. Во преостанатите 1,45 минути од првото продолжение и целото второ, Орландо успеа да постигне само три поена.
Водечкиот тим во Источната конференција, Кливленд Кавалирс (37-9) ја прекина најдолгата серија порази оваа сезона. По три последователни пораза, Кавс пред своите навивачи ги совладаа Детроит Пистонс со 110:91. Дариус Гарланд постигна 22 поени, а Донован Мичел 21, додека Џерет Ален стигна до својот 25-ти „дабл-дабл“ сезонава со 15 поени и 11 скока. Кејд Канингем го предводеше Детроит со 22 поени, а Малик Бисли додаде 19 поени.
Ивица Зубац го оствари својот 28-ми „дабл-дабл“ оваа сезона, а заедно со рекордните 25 поени, забележа и 16 скока, но тоа не беше доволно за неговиот ЛА Клиперс да победи на гостувањето во Феникс. Домашните Санс победија со 111:109, иако во последните 2,43 минути накратко имаа заостанвуање од 11 поени. Клиперс за две минути тргнаа во серија од 10:0 за да стигнат до поен разлика (106:107) по кошот на Норман Пауел на асистенција на хрватскиот центар. Во преостанатото време, Бредли Бил и Грејсон Ален погодија четири слободни фрлања, што беше доволно за третата последователна победа на Санс.
Девин Букер постигна 26 поени, заедно со осум асистенции и седум скока за победниците, а Кевин Дурент заврши со 24 поени. Џејмс Харден постигна 24 поени и десет асистенции за поразените Клиперс, додека Норман Пауел заврши со 23 поени.
Денвер Нагетс беа поразени со 129:121 на гостувањето кај Чикаго Булс со шутерско шоу во кое играчите на домашниот тим постигнаа дури 24 „тројки“. Денвер постојано го диктираше темпото, постигнуваше повеќе поени во рекетот и од контри, но играчите на Чикаго постојано се враќаа во игра благодарение на извонредниот шут за три поени.
За Чикаго Зак Лавин постигна 21 кош, од кои пет тројки, Никола Вучевиќ постигна 20 коша, а Лонзо Бол 18 од кои четири тројки. Кај Денвер Јокиќ имаше 33 коша 14 асистенции и 12 скокови, а Кристијан Браун постигна 28 коша што е негов рекорд на кариерата. Денвер го загуби натпреварот со многу лош шут за „тројка“ само шест погодени „тројки“ од 27 обиди. Чикаго е на 10-то место во источната конференција, а Денвер е четврти на западот.
Најдобар стрелец во победничката екипа беше Зек ЛаВин со 21 поен, а Никола Вучевиќ имаше 20 поени, 10 скока и шест асистенции. Никола Јокиќ ги предводеше Нагетс со уште еден „трипл-дабл“ од 33 поени, 14 асистенции и 12 скока, додека Кристијан Браун постигна 28 поени.
Њу Орлеанс Пеликанс беа поразеи на гостувањето кај Торонто со 113:104. Репторси до победата ги предводеа Скоти Барнс со 21 поен, 11 скока и 8 асистенции и Јакоб Поелтл со 21 поен и 14 скока. Зион Вилијамсон беше најдобар играч на Пеликанс со 31 поен и седум скока.
Милвоки Бакс победија со 125:110 на гостувањето во Солт Лејк Сити, а по шести пат сезонава, Јанис Адетокумбо и Демијан Лилард постигнаа 30 или повеќе поени на истиот натпревар. Адетокумбо го заврши натпреварот со 35 поени, 18 скока и седум асистенции, додека Лилард имаше 35 поени, осум асистенции и пет скока. Бакс го добија шестиот натпревар во последните седум натпревари. Јута го претрпе шестиот последователен пораз и деветти во последните десет настапи, во кои Лаури Марканен и Колин Секстон постигнаа по 19 поени.
Резултати, 27.1.
Феникс Санс – ЛА Клиперс 111:109
Шарлот Хорнетс – Лос Анџелес Лејкерс 107:112
Кливленд Кавалирс – Детроит Пистонс 110:91
Бостон Селтикс – Хјустон Рокетс 112:114
Бруклин Нетс – Сакраменто Кингс 96:110
Мајами Хит – Орландо Меџик 125:119
Њујорк Никс – Мемфис Гризлис 143:106
Торонто Репторс – Њу Орлеанс Пеликанс 113:104
Чикаго Булс – Денвер Нагетс 129:121
Минесота Тимбервулвс – Атланта Хокс 100:92
Далас Маверикс – Вашингтон Визардс 130:108
Јута Џез – Милвоки Бакс 110:125
ТАБЕЛА
ИСТОЧНА КОНФЕРЕНЦИЈА
1. Кливленд Кавалирс 37 9 80,4 отсто
2. Бостон Селтикс 32 15 68.1
3. Њујорк Никс 31 16 66,0
4. Милвоки Бакс 26 18 59.1
5. Индијана Пејсерс 25 20 55.6
6. Мајами Хит 23 22 51.1
7. Орландо Меџик 24 24 50,0
8. Детроит Пистонс 23 23 50.0
9. Атланта Хокс 22 24 47,8
10. Чикаго Булс 20 27 42,6
11. Филаделфија 76ерс 17 27 38.6
12. Торонто Репторс 14 32 30.4
13. Бруклин Нетс 14 33 29.8
14. Шарлот Хорнетс 12 31 27,9
15. Вашингтон Визардс 6 39 13.3
ЗАПАДНА КОНФЕРЕНЦИЈА
1. Оклахома Сити Тандер 37 8 82,2 проценти
2. Хјустон Рокетс 31 14 68,9
3. Мемфис Гризлис 31 16 66,0
4. Денвер Нагетс 28 18 60.9
5. Лос Анџелес Лејкерс 26 18 59.1
6. ЛА Клиперс 26 20 56,5
7. Минесота Тимбервулфс 25 21 54,3
8. Феникс Санс 24 21 53.3
9. Далас Маверикс 25 22 53.2
10. Сакраменто Кингс 24 22 52.2
11. Голден Стејт Вориорс 22 23 48,9
12. Сан Антонио Спарс 20 23 46,5
13. Портланд Трејл Блејзерс 17 29 37.0
14. Њу Орлеанс Пеликанс 12 35 25,5
15. Јута Џез 10 34 22.7
