Побарувачката на германски електрични и дигитални производи остро падна во 2024 година и е најголемиот проблем за компаниите во овој сектор, објави во понеделникот здружението ZVEI.
Нарачките паднаа за 9,6 отсто минатата година, објави Здружението за електрични и дигитални индустрии. Декември бил особено тежок, со пад на нарачките за 19,5 отсто во споредба со крајот на 2023 година.
Падот на домашните нарачки бил значително поголем од оние од странство, одржувајќи ја лошата состојба на домашната економија.
Недостигот од нарачки ги мачи дури 54 отсто од компаниите во секторот, а само 10 отсто од нив имаат проблеми со недостиг на квалификувани работници и материјали, изјави економистот на ZVEI, Андреас Гонтерман.
Секторот вработува речиси 900.000 работници, според здружението.
Приход на компаниите во секрото минатата година паднал за 6,2 отсто во споредба со рекордната 2023 година, на 223,2 милијарди евра. Вредноста на производството реално се намали за 9,1 отсто.
Во 2025 година би требало да се намали за два отсто, според сегашните проценки на ZVEI.
